Магілёўцу ў абменніку памылкова выдалі лішнія грошы — ён зрабіў выгляд, што так і трэба
Гісторыя адбылася з 54-гадовым жыхаром Магілёва, які да гэтага ніколі не трапляў у поле зроку міліцыі.
Мужчына прыйшоў у абменнік, каб купіць 400 даляраў. Касірка абменніка правяла аперацыю, але памылілася ў колькасці купюр, выдаўшы суму ў два разы большую, чым павінна была.
Кліент не мог не заўважыць такі «бонус», але вырашыў зрабіць выгляд, што ўсё ў парадку: склаў грошы ў сумку і пайшоў, паведамляе «Магілёў. Анлайн».
Знайсці мужчыну, які прысвоіў лішнія грошы, не склала цяжкасці. На магілёўца завялі крымінальную справу.
Мужчына да апошняга настойваў на сваім, сцвярджаючы, што проста не заўважыў лішнія грошы, але доказы былі не на яго карысць.
У выніку яго судзілі і прызначылі пакаранне ў выглядзе штрафу 3600 рублёў.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы10
Каментары