У Клімавічах мясцовы лікёра-гарэлачны завод рэкламаваў сваю вытворчасць у школе
У сярэдняй школе №3 горада Клімавічы для старшакласнікаў прайшло «прафарыентацыйнае мерапрыемства», на якім расказалі, якую добрую прадукцыю вырабляе ААТ «Клімавіцкі лікёра-гарэлачны завод», заўважыў Mayday.team.
Пра прадпрыемства расказваў намеснік гендырэктара па агульных пытаннях і ідэалагічнай рабоце Анатоль Аляксееў. Падлеткі пазнаёміліся з гісторыяй завода, яго абсталяваннем і прадукцыяй, што ён выпускае.
Прадстаўніца аддзела кадраў прадпрыемства расказала, якія спецыялісты на заводзе цяпер патрэбныя. Прадпрыемства ўжо цяпер прапануе ахвотным вызначыцца з будучым месцам працы і, магчыма, заключыць мэтавую дамову, каб гарантавана там уладкавацца.
Пры гэтым афіцыйны сайт Клімавіцкага ЛГЗ, як таго патрабуе заканадаўства, папярэджвае, што змяшчае інфармацыю, не рэкамендаваную асобам, якія не дасягнулі 18-гадовага ўзросту.
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары