22-гадовы грамадзянін Азербайджана здзейсніў турыстычную паездку ў замежную краіну з 2 па 11 студзеня 2025 года. Праз некалькі дзён пасля вяртання ён звярнуўся ў адну з клінік Баку са скаргамі на недамаганне, павышаную тэмпературу, вадзяністы сып у вобласці геніталій, павелічэнне лімфатычных вузлоў і цягліцавыя болі, піша Trend.az.
Доктар-інфекцыяніст, ацаніўшы сімптомы пацыента, западозрыў заражэнне вірусам малпавай воспы. Пасля збору анамнэзу было ўстаноўлена, што пацыент падчас падарожжа кантактаваў з чалавекам, які меў сып.
Наяўнасць эпідэміялагічнай сувязі разам з сімптомамі стала падставай для лабараторных аналізаў. Вынік ПЛР-даследавання мазка з сыпу пацыента аказаўся станоўчым на вірус малпавай воспы.
Зараз пацыент шпіталізаваны і праходзіць лячэнне ў стацыянары.
Члены сям’і пацыента, якія кантактавалі з ім, не праяўляюць прыкмет захворвання. Яны знаходзяцца пад назіраннем дома.
Цяпер чытаюць
Цэны на кватэры ў «Мінск-Свеце» падаюць, а ў Мінску — растуць. Сумныя перспектывы для раёна?3
Каментары