Адзін выпадак адбыўся ў Салігорску, другі ў Чысці Маладзечанскага раёна.

У Салігорску каля 08:05 36-гадовы кіроўца, рухаючыся па крайняй правай паласе, збіў школьніцу. Яна пераходзіла дарогу па нерэгуляваным пешаходным пераходзе злева направа па ходзе руху аўтамабіля.
Дзяўчынка атрымала сур'ёзныя траўмы і была дастаўлена ў рэанімацыю.

У Чысці Маладзечанскага раёна каля 07:28 35-гадовы кіроўца Volkswagen Golf на скрыжаванні вуліц Зялёная і Садовая,здзейсніў наезд на пешахода, паведамляе тэлеграм-канал «Пра Маладзечна».
Пацярпелай аказалася 44-гадовая жыхарка Маладзечна, якая пераходзіла праезную частку па нерэгуляваным пешаходным пераходзе злева направа па ходзе руху аўтамабіля.
Жанчына атрымала траўмы і была дастаўлена ў бальніцу.
Каментары