Свет1414

Французская журналістка схлусіла, што жонка Макрона нарадзілася мужчынам. І цяпер папрасіла прытулак у Расіі

Раней такія фэйкі былі скіраваныя і супраць іншых вядомых жанчын-палітыкаў.

Эмануэль і Брыжыт Макроны. Фота: Getty Images

У верасні 2021 года Наташа Рэй, якая называе сябе незалежнай журналісткай, апублікавала артыкул у французскім ультраправым выданні «Faits & Documents», які ўтрымліваў сцвярджэнні, што за асобай першай лэдзі Францыі, Брыжыт Макрон, на самой справе хаваецца яе брат Жан-Мішэль Транье. Паводле яе слоў, пасля нейкай аперацыі па змене полу ён нібыта ўзяў імя Брыжыт.

У гэтым «расследаванні» Наташа Рэй сцвярджала, што адсутнасць публічнай інфармацыі пра Жана-Мішэля Транье ставіць пад сумнеў рэальнасць яго існавання і выказвала меркаванне, што адмова Брыжыт Макрон раскрываць больш інфармацыі пра асабістае жыццё можна разглядаць як частку змовы, накіраванай на ўтойванне «праўды».

Тэорыя набыла папулярнасць пасля выхаду ў снежні 2021 года на YouTube чатырохгадзіннага відэа. У ім Наташа Рэй абмяркоўвала свае сцвярджэнні з Амандын Руа, якая назвала сябе «медыумам». Падчас інтэрв’ю яны сцвярджалі, што Брыджыт нібыта не з'яўляецца маці сваіх дзяцей, а таксама распаўсюджвалі непраўдзівую інфармацыю пра яе хірургічныя аперацыі і асабістае жыццё. Тэорыя хутка была падхопленая ў сацыяльных сетках.

Брыжыт Макрон. Фота: Stephanie Lecocq/Pool via AP

У адказ на гэтыя абвінавачванні Брыжыт Макрон і яе брат Жан-Мішэль Транье падалі пазовы супраць Наташы Рэй і Амандын Руа, абвінавачваючы іх ва ўмяшанні ў асабістае жыццё і парушэнні асабістых правоў. Пасля гэтага асноўныя публікацыі былі выдаленыя з інтэрнэту.

У верасні 2024 года парыжскі суд прызнаў Рэй і Руа вінаватымі ў паклёпе і абавязаў выплаціць 8 000 еўра Брыжыт Макрон і 5 000 еўра яе брату Жану-Мішэлю Транье.

3 лютага гэтага года адвакат Наташы Рэй, Франсуа Данглеан, паведаміў, што ягоная кліентка звярнулася з просьбай да дэпутата расійскай Дзярждумы Пятра Талстога аб наданні палітычнага прытулку ў Расіі. Просьбу яна абгрунтавала пераследам у Францыі. Адвакат сцвярджае, што абвінавачванні супраць Рэй фальсіфікаваныя і ўключаюць непраўдзівыя паказанні.

Адзначым, што падобныя фэйкі з трансфобным падтэкстам не новыя. Раней такія непраўдзівыя чуткі былі накіраваныя і супраць іншых вядомых жанчын-палітыкаў, напрыклад, супраць былой першай лэдзі ЗША Мішэль Абамы, былой віцэ-прэзідэнткі ЗША Камалы Харыс і экс-прэм'еркі Новай Зеландыі Джасінды Ардэрн. Іх актыўна распаўсюджвае расійская і лукашэнкаўская прапаганда.

Каментары14

  • Барадзед
    03.02.2025
    NN, не будьте такими как эта французская журналистка, ее явно похищали инопланетяне. Ничего, переедет в рашу, устроится на Рен ТВ.
  • Janina
    03.02.2025
    У этой журналистки последняя стадия рака. С чего бы ей хлусiць?
  • Ботам
    03.02.2025
    Janina, І тваі Салаўёў і Кісеялеў не хлусяць, давай больш лапшы з крамлёўскай метадычкі .

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць