За год колькасць запытаў у сацыяльнай сетцы вырасла ў 3,5 разу!
Сацыяльная сетка Facebook ўпершыню абышла пошукавы партал Google па наведвальнасці ў ЗША. Паводле звестак кампаніі Hitwise, на мінулым тыдні на абодва сайты давялося па 14% запытаў ўсіх карыстальнікаў у краіне: 7,07% на Facebook і 7,03% на Google.
Нягледзячы на тое што лідэрства найбуйнейшай у свеце сацыяльнай сеткі можа апынуцца часовым, рух ад «пошукавага» ў бок «сацыяльнага» інтэрнэту відавочны, зазначаюць эксперты Hitwise.
Напрыклад, яшчэ летась на Facebook прыходзілася ўсяго 2% ад усіх запытаў карыстальнікаў у ЗША.
У той жа час, нягледзячы на тое, што сацыяльныя сеткі актыўна павялічваюць колькасць сваіх карыстальнікаў (у красавіку 2009 года сетка Facebook перасягнула адзнаку ў 200 млн. карыстальнікаў, а ўжо ў лютым 400 млн.), зарабіць шмат яны на іх пакуль не могуць.
Сёлета, паводле падлікаў экспертаў, Facebook зможа зарабіць ад 1 да 1,5 млрд. даляраў, у той час як у мінулым годзе, напрыклад, Google атрымаў прыбытак у 23,7 млрд. даляраў.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?11
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары