76-гадовы Фёдар Раманавіч Даніловіч знік у пятніцу каля 15:00. Дырэктар пансіяната «Аздараўленчы цэнтр ЛАДЭ» каля Ракава звярнуўся па дапамогу ў атрад «Анёл».
Да пошукаў далучыліся таксама ратавальнікі пажарна-аварыйна-выратавальнага атрада Мінскага абласнога ўпраўлення МНС і супрацоўнікі міліцыі.
Прэс-аташэ пошука-выратавальнага атрала «Анёл» Юлія Коўган расказала Kraj.by:
— Актыўныя пошукі ў лясным масіве вакол пансіяната пачаліся а 20:00. Сабакі ўзялі след у тым самым напрамку, дзе пазней і знайшлі Фёдара Даніловіча. Але знайшлі мы яго без удзелу сабак. На той момант у гэтай зоне ўжо працавалі нашы пошукавікі з двума старэйшымі груп — Мікалаем Пульянавым і Дар'яй Круталевіч, а таксама двое валанцёраў, якія толькі некалькі разоў удзельнічалі ў пошуках. У выніку а 22:14 хлопцы знайшлі дзядулю. Ён сядзеў пад дрэвам. Адлегласць ад пансіяната да месца, дзе яго выявілі, па прамой складала каля 700 метраў.
Па словах Юліі Коўган, пенсіянера эвакуявалі з гушчару на машыне.
— Фёдар Раманавіч пачуваўся адносна добра, сваё імя памятаў. Размаўляў мала, называў пансіянат, у якім жыве, вёскай, — расказала яна.
Пасля выхаду з лесу пенсіянера перадалі медыкам хуткай дапамогі. Шпіталізацыя не спатрэбілася, і пасля агляду дактарамі ён вярнуўся ў пансіянат.
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары