Грошы, якія вы знайшлі на вуліцы ці атрымалі як лішак у банкамаце, трэба абавязкова вярнуць уладальніку. Але ёсць нюанс.
Фота: vecteezy.com
Пра знаходку, калі вы не ведаеце, хто ўласнік, абавязкова трэба заявіць (вусна ці пісьмова) у міліцыю, выканкам ці мясцовы Савет дэпутатаў, піша Smartpress.
Пакуль будуць шукаць гаспадара грошай, вы можаце пакінуць іх у прадстаўнікоў вышэйпералічаных органаў альбо — у сябе.
У выпадку, калі ўладальніка знойдуць, чалавеку, які знайшоў грашовыя сродкі, належыць узнагарода — 20% ад сумы.
А вось калі за паўгода ўласніка не знойдуць, усю суму можна пакінуць сабе.
І яшчэ. Калі лішнюю купюру вам выдаў банкамат, звяжыцеся з банкам, паведаміце аб сітуацыі. У адваротным выпадку за неабгрунтавана атрыманыя грошы можна панесці адказнасць.
Каментары
[Зрэдагавана]