Лукашэнка падпісаў дырэктыву, якой забараніў бессэнсоўныя нарады
Аляксандр Лукашэнка 2 красавіка падпісаў Дырэктыву нумар 11 «Аб удасканаленні функцыянавання сістэмы органаў улады і кіравання, узмацненні выканальніцкай дысцыпліны».
Прэс-служба паведамляе, што новы дакумент закліканы навесці парадак у дзяржаўным кіраванні: зрабіць працу чыноўнікаў больш эфектыўнай, дысцыплінаванай і адказнай.
Згодна з Дырэктывай, дзяржорганы не павінны ўмешвацца ў справы адзін аднаго. Забараняецца ствараць розныя «кансультатыўныя» структуры — камісіі, саветы, групы — калі яны дубліруюць працу існуючых органаў, калі толькі такое не прадугледжана законам. Таксама не вітаюцца лішнія нарады — нават анлайн.
Улады плануюць шырэй ужываць сучасныя лічбавыя тэхналогіі, больш вынікова арганізоўваць камандзіроўкі і абавязкова ацэньваць, наколькі добра орган выконвае свае абавязкі. Гэта будзе ўлічвацца пры прыняцці рашэнняў аб працягненні кантрактаў з кіраўнікамі.
Акрамя таго, Дырэктыва патрабуе скараціць залішнюю бюракратыю — меней запытаў да прадпрыемстваў і больш парадку ў абыходжанні з інфармацыяй.
Каментары
Выглядае як абарона ад стварэння свайго DOGE (Дэпартаменту Дзяржаўнай Эфектыўнасці, якім у ЗША кіруе Маск) у нейкай гіпатэтычнай будучыні :)