Міністр абароны Пакістана заявіў пра гатоўнасць да поўнамаштабнай вайны з Індыяй
Пакістан гатовы адказаць на магчымую агрэсію з боку Індыі, заявіў кіраўнік Мінабароны краіны Хаваджа Асіф на фоне абвастрэння паміж дзвюма ядзернымі дзяржавамі пасля расстрэлу турыстаў у спрэчным рэгіёне Кашмір.
«Мы ўзважым наш адказ на ўсё, што ініцыюе Індыя. Гэта будзе ўзважаны адказ. Калі адбудзецца поўнамаштабная атака або нешта ў гэтым духу, то, відавочна, будзе поўнамаштабная вайна», — сказаў міністр у эфіры Sky News.
26 чалавек загінулі і 17 атрымалі раненні ў выніку нападу невядомых баевікоў у кантралюемай Нью-Дэлі частцы штата Кашмір мінулага аўторка. Індыя ўсклала адказнасць за напад на Пакістан, абвясціўшы яго актам тэрарызму.
Аднак Асіф абверг гэтае сцвярджэнне і выказаў здагадку, што Індыя «інсцэніравала» стральбу ў рамках «аперацыі пад фальшывым сцягам».
Кіраўнік ваеннага ведамства папярэдзіў, што пакістанскія войскі гатовыя да любога развіцця падзей, але выказаў надзею на вырашэнне канфлікту мірным шляхам.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім3
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары