Скандальны мінскі рэстаран змяніў назву, але ўласнікі брэнда ўсё роўна незадаволеныя
У снежні мінулага года ў Мінску адкрыўся рэстаран «Grill London». Яго назва цалкам супадала з вядомай сеткай у Літве, аднак яе ўласнікі заявілі, што не маюць дачынення да мінскай установы і абвінавацілі беларусаў у крадзяжы таварнага знака.
Як піша 15min.lt са спасылкай на «Verslo žinios», у сакавіку рэстаран у Мінску змяніў назву на «Gril & Bar London». Таксама памяняўся і лагатып, замест фірмовага двухпавярховага аўтобуса цяпер будынак з бутэлькай.
Аднак адзін з уласнікаў «Grill London» Андрус Лаўрынавічус заявіў, што гэтага недастаткова, бо беларускі рэстаран нібыта публікуе ў сваіх сацсетках фота, зробленыя ў Літве.
«Яны працягваюць размяшчаць у сацыяльных сетках фатаграфіі нашых страў. Я не ведаю, адкуль яны іх бяруць — можа, нават прыходзяць сюды нешта фатаграфаваць, можа, нехта ім фатаграфуе, але мы бачым здымкі з нашых рэстаранаў. У іх нават няма такіх страў», — заявіў Лаўрынавічус.
Літоўцы збіраюцца звяртацца ў беларускія інстанцыі, а калі гэта не дапаможа, то будуць судзіцца.
-
«Гісторыя не выклікае даверу». Польшча перадала Літве справу аб міжнароднай абароне беларускі, якая часта ездзіла ў камандзіроўкі
-
Не толькі легендарны «Супер 8». Якія яшчэ атракцыёны не будуць працаваць у Мінску ў гэтым сезоне
-
Ціханоўская пра высылку з Беларусі ў жніўні 2020: Мне далі на зборы 20 хвілін
Каментары