Люксембург выдзеліў 250 тысяч еўра на падтрымку беларускіх палітвязняў
Люксембург выдзеліў 250 тысяч еўра Міжнароднаму гуманітарнаму фонду. Сродкі пойдуць на лячэнне і рэабілітацыю палітвязняў ды рэпрэсаваных, паведаміў на сустрэчы са Святланай Ціханоўскай віцэ-прэм'ер і міністр замежных спраў Люксембурга Ксаўе Бетэль.
Святлана Ціханоўская сустрэлася з люксембургскім міністрам падчас свайго ўдзелу ў міністэрскай сустрэчы Рады Еўропы, якая праходзіць у гэтай невялікай заходнееўрапейскай краіне.
На сустрэчы бакі абмеркавалі: шляхі і спосабы вызвалення беларускіх палітвязняў; легалізацыю беларусаў У Люксембургу; уплыў на беларускую сітуацыю раней прынятых «Люксембургскіх рашэнняў» і далейшую сумесную працу; магчымасць прызначэння спецыяльнага пасланца па Беларусі.
Ціханоўская падзякавала люксембургскім уладам за аказаную фінансавую падтрымку беларускім палітвязням.
«Гэта моцны сігнал падтрымкі для беларускага народа. Мы дзякуем Люксембургу за прынцыповую пазіцыю, падтрымку на пляцоўках Рады Еўропы і ААН. Унёсак у Міжнародны гуманітарны фонд дапаможа аднавіцца тым, хто прайшоў праз турмы, катаванні і пераслед. Я заклікаю Люксембург не спыняцца на гэтым — і далей уздымаць пытанні, датычныя Беларусі, на міжнародных пляцоўках. У прыватнасці, дапамагаць шукаць шляхі і спосабы вызвалення палітвязняў», — заявіла дэмакратычная лідарка.
Вольга Лойка прапанавала «закон Ціханоўскай» для чыноўнікаў і патлумачыла, што гэта такое
Ціханоўская — новаму Папу: Ваша слова можа стаць голасам падтрымкі для нашых палітвязняў
Ціханоўская: Расійская апазіцыя павінна дыстанцыявацца ад імперыялістычнага наратыву
«Вызваленне аднаго — гэта крок наперад». Ціханоўская пракаментавала вызваленне Зянковіча
Ціханоўскай давяраюць 83%, Латушку — 65%, Пазняку — 13%, Краўцову і Ягораву — па 4%
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары
І сядзяць без перадач, калі сваякі старыя, хворыя, і не могуць нават даехаць да той турмы і не маюць сродкаў на перадачы.