Трамп накіроўвае Нацгвардыю ў Лос-Анджэлесе, дзе ідуць пратэсты супраць палявання на мігрантаў
Прэзідэнт ЗША Дональд Трамп распарадзіўся накіраваць 2 000 жаўнераў Нацыянальнай гвардыі ў Лос-Анджэлес пасля таго, як горад ахапілі масавыя пратэсты супраць дзеянняў федэральных іміграцыйных агентаў. Губернатар Каліфорніі Гэвін Ньюсам асудзіў дзеянні Белага дома як «правакацыйныя», а ў горадзе прайшлі сутыкненні з удзелам праваахоўнікаў і дэманстрантаў, піша Reuters.
Адміністрацыя Дональда Трампа на фоне вострых спрэчак вакол іміграцыйнай палітыкі ЗША накіравала Нацыянальную гвардыю ў Лос-Анджэлес у суботу, пасля масавых пратэстаў супраць рэйдаў ICE (Immigration and Customs Enforcement) — іміграцыйнай і мытнай службы.
Як паведаміў Пентагон, калі пратэсты будуць мець гвалтоўны характар, марпехі «ўжо на высокай гатоўнасці».
У суботу на вуліцах раёна Парамант і ў цэнтры Лос-Анджэлеса сабраліся сотні дэманстрантаў. Многія трымалі мексіканскія сцягі і скандавалі: «ICE — прэч з Лос-Анджэлеса!» Сілавікі ў супрацьгазах выкарыстоўвалі слёзатачывы газ, а шэраг людзей быў затрыманы.
Прэзідэнт Трамп апублікаваў заяву, у якой назваў сітуацыю «беспарадкамі» і абвінаваціў мэра Лос-Анджэлеса Карэн Бас і губернатара Ньюсама ў «няздольнасці вырашаць праблему».
«Калі Ньюсам і мэр Лос-Анджэлеса не могуць рабіць сваю працу, тады федэральны ўрад унясе парадак, як трэба!» — заявіў Трамп.
У адказ на гэта губернатар Ньюсам назваў дзеянні Трампа «намерана правакацыйнымі».
Пратэсты пачаліся пасля рэйдаў ICE, падчас якіх былі арыштаваныя як мінімум 44 чалавекі, у тым ліку і каля Home Depot, дзе працуюць шматлікія вулічныя прадаўцы і рабочыя. Праваабаронцы паведамілі, што сярод затрыманых маглі быць людзі з законным статусам.
Ад пачатку свайго другога тэрміну Трамп абвясціў пра новы жорсткі курс на дэпартацыю мігрантаў. Паводле Белага дома, гэтымі дзеяннямі «змагаюцца з беззаконнем, якое квітнее занадта доўга».
Цяпер чытаюць
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары