У англійскай прэм’ер‑лізе аштрафавалі гульца, які ў перапынку матчу пайшоў у паб
Паўабаронца «Бэрнлі» Кевін Макдоналд аштрафаваны сваім клубам на 5 тысяч фунтаў за тое, што ў перапынку матча 33 тура чэмпіянату Англіі з «Манчэстар Сіці» (1:6) пакінуў стадыён і глядзеў другі тайм гульні ў пабе.
21‑гадовы паўабаронца быў заменены ў перапынку матча пры ліку 0:5, пасля чаго пакінуў стадыён «Тэрф Мур» і адправіўся ў мясцовы паб, дзе глядзеў матч па тэлевізары разам са сваімі сваякамі.
Клуб назваў гэты ўчынак шатланца парушэннем ўнутранай дысцыпліны і вынес гульцу штраф, а сам футбаліст выбачыўся перад клубам, партнёрамі па камандзе і заўзятарамі, назваўшы свае паводзіны недапушчальнымі.
За пяць тураў да канца чэмпіянату «Бэрнлі» займае ў табліцы англійскаей прэм’ер‑лігі перадапошняе месца, апярэджваючы толькі збанкрутавалы «Портсмут», адстаючы ад выратавальнага 17‑га месца на 4 пункты.
Каментары