«Песня, якую я пакуль не ведаю, як назваць. Няхай пакуль будзе «Бэз», — напісала Ганна ў сваім інстаграме.
«Так здарылася, што за апошнія два месяцы я сустрэла столькі дарагіх мне людзей, якіх не бачыла вельмі даўно. І гэта былі такія цёплыя сустрэчы. І вось так раптоўна на мяне звалілася гэтая песня, уварвалася ў галаву і не адпускае.
Тры гады, пяць гадоў — колькі яшчэ трэба гэтых гадоў, каб мы зноў змаглі сустрэцца, убачыць і абняць родных? І больш ужо не разлучацца.
Мой бэз, як і раней, цвіце — няхай і для іншых. І робіць гэта штогод і без майго дазволу. І маім сябрам таксама не патрэбна запрашэнне, каб пастукацца ў мае дзверы — яны заўсёды адчыненыя для вас!» — напісала спявачка.
У песні Ганна ідзе па Рызе і фатаграфуе горад, але бачыць Мінск. Кліп перабіваецца славутасцямі беларускай сталіцы.
У 2020 годзе Ганна Шаркунова падтрымала пратэсты і напісала «Песню шчаслівых людзей». Пазней артыстка з’ехала ва Украіну, разлічваючы, што зможа вярнуцца на радзіму праз некалькі тыдняў, калі ў роднай краіне ўсё наладзіцца.
Пасля пачатку вайны Ганна эвакуявалася з Украіны разам з маленькім сынам.
Цяпер чытаюць
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць31
Каментары
А пазней пытанні чаму беларусы не жывуць як латышы, літоўцы ці палякі.