Як склаўся лёс кацяняці, якога ратаваць на дарозе ў Брэсце спыніліся ўсе кіроўцы. На жаль, сумна
25 чэрвеня раніцай у цэнтры Брэста на праезную частку выбегла маленькае кацяня. Каб абараніць яго ад колаў, кіроўцы ўсіх транспартных сродкаў — ад легкавых аўто да тралейбуса — спыніліся і ўтварылі жывы заслон.
Мільёны праглядаў набрала відэа з цэнтра Брэста з выратаваннем кацяняці. Каментатары захапляліся кіроўцамі і хваляваліся за лёс кацяняці. Пушысціка выратавалі, але фінал у гэтай гісторыі сумны.
З БрэстСІЦІ звязаўся галоўны доктар ветэрынарнай клінікі, куды прывезлі кацяня і распавёў падрабязней, што адбылося з жывёлай.
У кацяняці дыягнаставалі палітраўму з мноствам пераломаў, унутранае кровазліццё, а таксама «моцную блашыную інфестацыю і клешчавую інвазію». Нягледзячы на намаганні ветэрынараў, прагноз для аслабленага арганізма аказаўся неспрыяльным, і з гуманных меркаванняў было прынята рашэнне аб эўтаназіі кацяняці.
Каментары
Я ведаю гісторыю як у знаёмай захварэла котка, ветдоктар прапанаваў усыпіць. Яна адмовілася, выхадзіла сама лекамі, прайшло 5 гадоў - кацяня дагэтуль жывы-здаровы.
Ветдактары ў нас бязлітасныя і нізкакваліфікаваныя