Спікер Сейма Літвы пра шырокае выкарыстанне рускай мовы ў Вільні: З гэтай праблемай нельга мірыцца
Як лічыць спікер Сейма Саулюс Сквярняліс, маштабы выкарыстання рускай мовы ў сталіцы Літвы — сур’ёзная праблема, якую нельга не заўважаць.
Нягледзячы на той факт, што, паводле слоў палітыка, на гэтай мове часта размаўляюць пераехаўшыя ў Літву беларусы і ўцекачы з Украіны, лідар саюза дэмакратаў «У імя Літвы» запэўнівае — неабходна рэалізаваць праграму інтэграцыі, якая ўключала б абавязковае валоданне дзяржаўнай літоўскай мовай, піша Delfi.lt.
«Напэўна, гэта трэба зрабіць, проста выйшаўшы прагуляцца, асабліва ў цэнтр Вільні, і гэта (частае выкарыстанне рускай мовы) сапраўды можна выразна адчуць. На жаль, гэта так», — сказаў С. Сквярняліс у сераду ў эфіры Žinių radijas.
«Я думаю, што перш за ўсё нам трэба вельмі дакладна вызначыцца з тымі людзьмі, якія гатовы тут жыць, застацца, якія прыехалі па розных прычынах — як з Беларусі або Украіны, так і з іншых краін — і бачаць тут сваю будучыню і будучыню сваіх сем’яў, гэта павінна быць вельмі моцная праграма інтэграцыі.
Што валоданне дзяржаўнай мовай — гэта неабходнасць, і гэта звязана з сацыяльнымі гарантыямі, рознымі сацыяльнымі дапамогамі, магчымасцю працаваць у пэўных сферах. Ім проста трэба ўсвядоміць, што без інтэграцыі, без валодання дзяржаўнай мовай тут няма перспектыў, і з гэтым нельга мірыцца», — заявіў спікер Сейма.
С. Сквярняліс прызнае, што пасля непрызнаных Захадам прэзідэнцкіх выбараў у Беларусі ў 2020 годзе і пачатку ўварвання Расіі ва Украіну ў лютым 2022 года ў Літву прыбыло нямала грамадзян гэтых краін. Таму, адзначыў палітык, стаўленне да выкарыстання мовы тут было некалькі больш ліберальным. Аднак, працягнуў ён, дзяржаўная мова павінна валодаць адпаведным статусам.
«Думаю, гэтую праблему таксама нельга ігнараваць, бо маштаб даволі вялікі. І зноў жа, трэба гаварыць пра тое, што дзяржаўная мова павінна валодаць статусам у дзяржаве і павінна быць абаронена ва ўсіх сферах жыцця», — дадаў кіраўнік парламента.
Апошнім часам разгарэліся дыскусіі наконт выкарыстання рускай мовы ў Вільні. Падставай для іх стаў пост у Facebook журналіста Эдмундаса Якілайціса, які заявіў, што маштаб выкарыстання рускай мовы ў сталіцы непрымальны, і падняў пытанне аб тым, як будзе ажыццяўляцца вяртанне сталіцы.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда11
Каментары