Мінфінансаў: Відавочнай патрэбы для Беларусі ў новай праграме «стэнд‑бай» МВФ няма
Відавочнай патрэбы для Беларусі ў новай праграме «стэнд‑бай» МВФ няма. Пра гэта паведаміў у пятніцу журналістам міністр фінансаў Беларусі Андрэй Харкавец.
Папярэдняя праграма Міжнароднага валютнага фонду была выканана паспяхова і адыграла сваю станоўчую ролю. З таго часу многае змянілася, значна зніжаны разрыў у фінансаванні. «Сітуацыя ў эканоміцы сёння больш стабільная, бюджэт выконваецца ў тых параметрах, якія мы чакалі, ідзе паступальны рост эканомікі», — сказаў міністр. У сувязі з гэтым, на яго думку, у Беларусі няма відавочнай патрэбнасці ў новай праграме «стэнд‑бай». Пры гэтым ён дадаў, што любая такая праграма ў прынцыпе з’яўляецца пазітыўнай з пункту гледжання структурных рэформ і функцыянавання эканомікі.
Адказваючы на пытанне журналістаў аб тым, ці задаволена Беларусь доляй 4,7 працэнта ад увазных мытных пошлін у Мытным саюзе, Андрэй Харкавец сказаў, што «гэта лічба не пагаршае сітуацыю для нашай краіны». Акрамя таго, ён адзначыў, што захоўваюцца магчымасці для перагляду гэтай долі ў будучым.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары