У Японіі ўхвалілі першы ў свеце клеткавы прэпарат ад хваробы Паркінсона
У Японіі часткова дазволілі выкарыстоўваць прэпарат для лячэння хваробы Паркінсона. Ён стаў першым у свеце сродкам, створаным на аснове індукаваных плюрыпатэнтных ствалавых клетак, так званых iPS-клетак. Пра гэта паведамілі ў Інстытуце даследавання і прымянення iPS-клетак пры Кіёцкім універсітэце.
Кіраўнік інстытута Дзюн Такахасі назваў гэта важным крокам наперад і заявіў, што даследчыкі будуць імкнуцца зрабіць новы метад лячэння звычайнай і надзейнай медыцынскай практыкай.
Новы прэпарат утрымлівае нервовыя клеткі, якія вырошчваюцца з iPS-клетак у лабараторыі. Іх плануюць перасаджваць пацыентам з хваробай Паркінсона, каб замяніць пашкоджаныя клеткі мозгу. Падчас клінічных выпрабаванняў, вынікі якіх былі прадстаўленыя ў мінулым годзе, у некаторых пацыентаў пасля такой трансплантацыі назіраліся прыкметныя паляпшэнні стану.
Пасля гэтых выпрабаванняў фармацэўтычная кампанія падала заяўку на рэгістрацыю прэпарата пад гандлёвай назвай Amshepri. Разгляд адбываўся па паскоранай працэдуры.
Акрамя таго, частковае ўхваленне атрымаў яшчэ адзін прэпарат на аснове iPS-клетак — для лячэння ішэмічнай кардыяміяпатыі. Адзначаецца, што абодва распрацаваныя сродкі пакуль не маюць аналагаў у свеце.
Озі Осбарн развітаўся з фанатамі на апошнім канцэрце ў Бірмінгеме
Медыкі патлумачылі, пра што можа сведчыць трэмар Лукашэнкі
З цяжкасцю рухаецца, не можа доўга трымаць нават тэлефон. Былая футбольная «зорка» Сяргей Гоцманаў цяжка захварэў
Сняцца кашмары па начах? Гэта можа быць ранняй прыкметай дэменцыі
Цяпер чытаюць
Іх Зарэцкая: дэпутат-ябацька Алег Навіцкі кінуў беларускіх інвестараў на мільёны даляраў. Дэталі схемы2
Каментары
Гэта для вас, шаноўная рэд. [я без сарказма], "Свет". А для мяне - "Навука".
іPS клеткі згадваюцца у класічным акадэмічным падручніку. Глава 22 "Рэгенерацыя тканак", раздзел "Перапраграмаванне клетак". Дай Б-г каб парэшткаў майго здароўя і захопленасці хапіла на гэты раздзел.
Прыкладам, калі у нас у Беларусі загаварыць пра рэгенерацыю зубоў, то вас адразу назавуць вар'ятам.
У японцаў на сайце простая дэкларацыя аб намерах утрымлівае спасылку на каціроўкі акцый двух згадваемых японскіх фармакалагічных кампаній.
Ані ў выдавецтве "Янушкевіч", ані ў выдавецтве "Гутэнберг", кніга, якую я чытаю на англійскай, не будзе надрукавана на беларускай нават пасьля маёй смерці.
Ёй, між іншым, на 2015-ты было ужо 40-к гадоў і яна перажыла на той момант 6-е выданне.
Дзякую за матэрыял. Мо пакласці у рубрыку, якой яшчэ няма - "Навука"?
[Зрэдагавана]