Сын былога баскетбаліста зборнай Беларусі выйграў юніёрскі чэмпіянат свету ў складзе зборнай ЗША
Сын былога баскетбаліста зборнай Беларусі Валерыя Хамені, які ў пачатку 2000-х пакінуў Гродна і пераехаў у ЗША, дасягнуў гучнага поспеху. Нікалас Хаменя, якому цяпер 18 гадоў, выйграў разам са зборнай ЗША золата юніёрскага чэмпіянату свету U-19, што прайшоў у Швейцарыі, піша «Трыбуна».
Валерый Хаменя нарадзіўся ў Гродне, у 1990-х быў адным з самых перспектыўных беларускіх баскетбалістаў: капітанам каманды РВАР, гульцом нацыянальнай зборнай, удзельнікам міжнародных турніраў. Ён паспрабаваў замацавацца ў ЗША, але не трапіў у НБА, пасля чаго выступаў у Расіі і Беларусі. У 2004-м паехаў да жонкі ў Амерыку і больш не вярнуўся, фактычна завяршыўшы кар’еру. Цяпер працуе дзіцячым трэнерам у прыватнай акадэміі BTI ў Лос-Анджэлесе.
Ягоны сын Нікалас нарадзіўся ўжо ў ЗША ў 2006 годзе. У юнацтве заявіў пра сябе ў школе Гарвард-Уэстлэйк, а потым стаў гульцом «Дзюк Блю Дэвілс» — аднаго з наймацнейшых універсітэцкіх клубаў краіны. У 2024-м ён выйграў Кубак Амерыкі U-18 і ЧС 3х3 U-18, дзе быў прызнаны найлепшым гульцом турніру.
На юніёрскім чэмпіянаце свету U-19 2025 года зборная ЗША з Нікаласам Хаменем у сваім складзе дамінававала, выйграўшы ўсе сем матчаў з рэкорднай выніковасцю (у сярэднім больш за 114 ачкоў за гульню). У фінале супраць зборнай Германіі амерыканцы перамаглі з лікам 109:76. Хаменя набіраў у сярэднім 9,7 ачка, 3,1 падбор і 2 перадачы за 15 хвілін гульні.
Аналітыкі лічаць Нікаласа Хаменю адным з найбольш перспектыўных маладых гульцоў. Паводле прагнозаў ESPN, ён можа трапіць у топ-15 драфту НБА-2026.
Хлопцу з Брэста няма і 15-ці, а ў яго ўжо 52-гі памер нагі і рост больш за 2 метры
У гульнях за зборную Кітая дэбютавала 18-гадовая баскетбалістка з фенаменальным ростам
«Аклахома» ўпершыню ў гісторыі стала чэмпіёнам НБА
Адвакат латвійскага баскетбаліста Цімы: З расійскага морга яго аддалі голым, без грыму і бальзамацыі
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай20
Каментары