Указ прэзідэнта ЗША, які называецца «Зробім урадавую архітэктуру зноў прыгожай», вызначае прыярытэт класічнай і традыцыйнай архітэктуры пры будаўніцтве федэральных будынкаў, піша Бі-бі-сі.
Як падкрэсліваецца ў дакуменце, гэтыя будынкі павінны натхняць грамадзян, быць пазнавальнымі і адлюстроўваць годнасць і стабільнасць дзяржавы.
Трамп раскрытыкаваў мадэрнісцкую архітэктуру другой паловы ХХ стагоддзя, заявіўшы, што яна не падабаецца грамадству і не ўспрымаецца як сімвал улады. З указу вынікае, што такія стылі, як мадэрнізм, бруталізм і дэканструктывізм, лічацца непажаданымі.
Паводле ўказу, Упраўленне агульных службаў (GSA) павінна аддаваць перавагу класічнаму або традыцыйнаму стылю пры зацвярджэнні праектаў, а ў Вашынгтоне класічная архітэктура для федэральных будынкаў прызначана стылем па змоўчванні.
Калі ж ведамства хоча зацвердзіць праект у іншым стылі, то яно павінна паведаміць прэзідэнта і прадставіць яму дэталёвае абгрунтаванне такога выбару.
Каментары
Можна складаць гульню "дыктатар-бінга".