«Вольны хор» выдаў новы альбом, заснаваны на працы з музычнымі архівамі Скарынаўскай бібліятэкі ў Лондане
«Наша песьня» — «Вольны хор» выдаў свой новы альбом, ужо трэці па ліку. Значную частку твораў новага зборніка складае беларуская харавая спадчына, знойдзеная ў Бібліятэцы і Музеі Францыска Скарыны ў Лондане, піша Reform.
Альбом названы ў гонар твору на верш Міхася Кавыля «Наша песьня», рукапіс якога быў знойдзены ў архівах Скарынаўкі.
Усяго ж у плытку ўвайшлі 16 кампазіцый, у тым ліку, песні сучасных аўтараў: «Наш сцяг» Змітра Вайцюшкевіча на вершы Уладзіміра Някляева, «Наш шлях» Сяргея Космаса на вершы Сяргея Ціханоўскага, «Грай» музыка і словы Сяргея Міхалка; таксама ў альбоме — песні на вершы «расстраляных паэтаў»: Міхася Чарота, Альбіна Стаповіча ды іншых аўтараў.
«Мы выказваем нашу шчырую падзяку ўсім, хто падтрымаў гэты альбом і далучыўся да яго рэалізацыі! Мы дзякуем усім, хто паатрымоўвае нашу дзейнасць і дапамагае нашаму голасу гучаць!», — падзякавалі за падтрымку новага альбома музыканты.
На «Нашу песьню» «Вольны хор» збіраў сродкі праз краўндфандынг.
Цяпер чытаюць
Хто забараняе ў Беларусі кнігі — вось гэтыя 22 чалавекі30
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары