Эканамістка Лузгіна: За межамі Беларусі аказалася не менш за 400 тысяч беларусаў
Не менш за 400 тыс. або каля 4,4% грамадзян Беларусі жывуць і працуюць за межамі краіны. Прыкладна такія лічбы атрымліваюцца, калі скласці дадзеныя па асноўных напрамках міграцыі беларусаў, піша эканаміст Анастасія Лузгіна ў «Банку ідэй».
Па словах А. Лузгіной, па стане на пачатак 2025 года каля 250 тысяч беларусаў пастаянна пражывалі ў краінах ЕС. Пры гэтым рэальная колькасць беларусаў у гэтых краінах будзе большай. Частка людзей, якія ўжо больш за 5—10 гадоў пастаянна пражываюць у Еўрапейскім саюзе, маглі атрымаць грамадзянства.
«Напрыклад, у выпадку наяўнасці карты паляка гэты працэс можа займаць усяго некалькі гадоў. У Расію беларусы таксама пераязджаюць на заробкі або на пастаяннае месца жыхарства. У той жа час расійскі напрамак цяпер не надта прывабны для беларусаў. Як адзначаюць расійскія чыноўнікі, дадзеныя па занятых на рынку працы беларусах ёсць, але яны нязначныя ў параўнанні з колькасцю працуючых у краіне грамадзян Таджыкістана і Узбекістана Па стане на 2023 год доля беларусаў сярод працоўных мігрантаў складала каля 2%. У абсалютным выражэнні — гэта прыблізна 124 тыс. чалавек», — зазначае эксперт.
«Яшчэ адной краінай, якая прыцягвала беларусаў, была Грузія. Па стане на 1 студзеня 2025 года ў ёй пражывалі 12,8 тыс. грамадзян Беларусі», — дадае Анастасія Лузгіна.
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска1
Каментары
Калі нехта ("ябацькі") не разумеў палітычнае зло ўлады, ён хаця б разумеў наступствы з яго: эканамічныя, бяспека ў час вайны, перспектывы для дзяцей і г.д.