Падоўжылі забарону на вываз з Беларусі некаторых прамысловых тавараў
Адпаведная пастанова Савета Міністраў ад 18 верасня 2025 года №514 апублікаваная на Нацыянальным прававым інтэрнэт-партале.
Згодна з дакументам, забаронена вывозіць з Беларусі ў краіны ЕАЭС тавары з пераліку, прыведзенага ў дадатку, незалежна ад краіны іх паходжання. Таксама нельга вывозіць гэтыя ж тавары за межы мытнай тэрыторыі ЕАЭС у дзяржавы, якія не ўваходзяць у аб’яднанне, калі яны афармляюцца пад працэдуры экспарту, часовага вывазу, перапрацоўкі па-за тэрыторыяй або рээкспарту.
Да такіх тавараў аднесеныя: гіпс, ёмістасці для сціснутага ці звадкаванага газу, рухавікі ўнутранага згарання, халадзільнае і маразільнае абсталяванне, электрагенератарныя ўстаноўкі. Таксама ў спіс увайшлі медыцынскія вырабы: гіпс, зубныя цэменты і матэрыялы для пломбаў, цэменты для аднаўлення костак і іншыя.
Разам з тым забарона не распаўсюджваецца на тавары, якія маюць сертыфікат паходжання або акт экспертызы, што пацвярджае іх беларускую ці расійскую вытворчасць.
Упершыню гэта забарона з'явілася яшчэ вясной 2022 года.
Малады работнік «Мінск-Арэны» павінен заплаціць 71 мільён даляраў4
Каментары