Банкі будуць прымаць валюту, якая свеціцца ва ультрафіялетавых прамянях. Пра гэта паведаміў намеснік старшыні праўлення Нацбанка Андрэй Картун перад нарадай з прадстаўнікамі камерцыйных банкаў.
Беларускія банкі выкарыстоўваюць адзіны пералік прыкмет плацежаздольнасці валюты. Цяпер патрабаванні да банкнотаў змякчаць, піша Onliner.by.
— Ужо з 1 кастрычніка ў адзіныя патрабаванні ўнесены змены: усе ультрафіялетавыя свячэнні валюты (нейкая кропка або пляма) будуць прызнавацца плацежаздольнымі. Адпаведна, банк павінен будзе прымаць такую купюру.
Раней кліент мог атрымаць валюту ў адным банку, а затым у іншым абменніку касір спасылаўся на свячэнне і адмаўляўся прымаць купюры. З улікам зваротаў грамадзян правілы вырашылі скарэктаваць.
Андрэй Картун нагадаў, што Нацбанк заказваў даследаванне ў Акадэміі навук, каб разабрацца, ці ўплывае свячэнне ў ультрафіялеце на плацежаздольнасць банкноты. У выніку аказалася, што «не кожнае свячэнне з'яўляецца цвіллю, а не кожная цвіль вядзе да страты плацежаздольнасці банкноты».
Пры гэтым прыкметы зношанасці банкнот застаюцца ранейшымі. Так, банкі па-ранейшаму не змогуць прыняць валюту з істотнымі пашкоджаннямі — з надрывамі, парваныя банкноты, а затым склееныя, з прыкметнымі надпісамі.
Акрамя гэтага, Нацбанк мае намер абмеркаваць з банкамі ўвядзенне дадатковай адказнасці за адмову прымаць плацежаздольныя банкноты.
— Будзем абмяркоўваць з банкамі ў тым ліку ўвядзенне дадатковай адказнасці касавых службаў у частцы такіх інцыдэнтаў і выпадкаў непрыёму банкнот з прыкметамі плацежаздольнасці.
Яшчэ адна тэма датычыцца тарыфаў, па якіх банкі цяпер прымаюць пашкоджаныя банкноты. Зараз камісіі за такія аперацыі ў асобных выпадках дасягаюць 15—20%, але Нацбанк будзе рэкамендаваць знізіць іх прыкладна да 5%.
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары