Дамоўленасці пра энергетычнае перамір’е паміж Расіяй і Украінай пакуль не канкрэтызаваныя. Пра гэта заявіў прэс-сакратар прэзідэнта Расіі Дзмітрый Пяскоў на брыфінгу, паведамляе РБК.
Так ён адказаў на пытанне журналіста пра тое, ці азначаюць паведамленні Мінабароны Расіі пра ўдары па энергетычных аб’ектах Украіны, што Маскву не задавальняе ідэя прапанаванага энергетычнага перамір’я.
«Якія акрэсленыя межы энергетычнага перамір’я, што гэта азначае? Ці было гэта канкрэтызавана?» — пацікавіўся Пяскоў у журналістаў.
Пасля таго як пачуў адмоўны адказ, ён дадаў: «Вы абсалютна маеце рацыю. Таму праца ў гэтым кірунку працягваецца».
Раніцай 14 кастрычніка Мінабароны Расіі паведаміла, што ў выніку начных удараў па Украіне былі нанесены ўдары па васьмі аб’ектах энергетычнай і камунікацыйнай інфраструктуры.
У Кіеве — цэнтр апрацоўкі даных «АТМ Укрсіббанка», Дарніцкая ЦЭЦ-4 і Кіеўская ЦЭЦ-5. У Кіеўскай вобласці — Кіеўская ЦЭЦ-6, Трыпальская ЦЭС і электрападстанцыя «Кіеўская». У Харкаве і Харкаўскай вобласці — Харкаўская ЦЭЦ-5 і Зміеўская ЦЭС.
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары