Ніводны клуб Нацыянальнай хакейнай лігі не забраў абаронцу «Далас Старз» Уладзіслава Калячонка з драфту адмоваў, куды ён быў выстаўлены напярэдадні.
Такім чынам, гулец зборнай Беларусі адправіцца ў Амерыканскую хакейную лігу (АХЛ), дзе будзе выступаць за фарм-клуб «Каларада» «Тэхас Старз».
Калячонак быў адпраўлены ў «Далас» з «Пітсбурга» ўлетку ў межах здзелкі.
У мінулым сезоне Уладзіслаў правёў за «Пітсбург» 12 матчаў і адзначыўся дзвюма галявымі перадачамі.
Новы сезон у Нацыянальнай хакейнай лізе стартуе 7 кастрычніка. Рэгулярны чэмпіянат, выглядае, у НХЛ пачнуць чатыры хакеісты: Ягор Шаранговіч («Калгары Флэймз»), Аляксей Протас («Вашынгтон Кэпіталз») і Ілля Салаўёў («Каларада Эвэланш»), Арцём Леўшуноў («Чыкага»)
Астатнія пяць беларусаў, якія бралі ўдзел у перадсезонных матчах, адпраўленыя ў фарм-клубы, што гуляюць у АХЛ (другой па сіле хакейнай лізе Паўночнай Амерыкі).
Іллю Протаса «Вашынгтон» камандзіраваў у «Хершы», згаданага Калячонка «Далас» аддаў у «Тэхас Старз», галкіпера Мікіту Талапілу «Ванкувер» — у «Абатсфорд Кэнакс» (за «Абатсфорд» таксама гуляе Даніла Клімовіч), а галкіпера Аляксея Коласава «Філадэльфія» ў «Ліхай Вэлі», абаронцу Ягора Сідарава «Анахайм» — у «Сан-Дыега». За «Роксфард» выступае Дзмітрый Кузьмін.
Але падчас сезона клубы могуць выклікаць беларусаў назад у НХЛ.
Каментары