Анджэй Пачобут увайшоў у пералік трох фіналістаў прэміі імя Сахарава
Члены Камітэтаў па замежных справах і развіцці сёння прагаласавалі ў чацвер раніцай за трох фіналістаў Прэміі Сахарава за свабоду думкі 2025 года.
Гэта зняволеныя журналісты, што «змагаюцца за вашу і нашу свабоду» — Анджэй Пачобут з Беларусі і Мзія Амаглобелі з Грузіі;
— Журналісты і работнікі гуманітарнай дапамогі ў Палесціне і ва ўсіх зонах канфліктаў, прадстаўленыя Саюзам палесцінскіх журналістаў, Чырвоным Паўмесяцам і Блізкаўсходнім агенцтвам ААН для дапамогі палесцінскім бежанцам.
— Сербскія студэнты.
Канферэнцыя прэзідэнтаў, у склад якой уваходзяць прэзідэнт Еўрапейскага парламента Роберта Метсола і лідары палітычных груп, выберуць лаўрэата 2025 года з гэтага шорт-ліста. Гэта адбудзецца праз тыдзень, у сераду 22 кастрычніка.
Цырымонія ўзнагароджання Прэміяй Сахарава за свабоду думкі, якая прадугледжвае ўзнагароду 50 000 еўра, адбудзецца 16 снежня ў Страсбургу.
***
Прэмія Сахарава за свабоду думкі — гэта штогадовая ўзнагарода Еўрапейскага парламента, якая прызначаецца асобам або арганізацыям, якія адстойваюць правы чалавека і свабоду меркаванняў. Названая ў гонар савецкага фізіка і праваабаронцы Андрэя Сахарава, і прызнаная адной з самых прэстыжных прэміяў у праваабарончай галіне. Першымі лаўрэатамі прэмілі сталі ў 1988 годзе вязень на той момант Нельсан Мандэла і ўкраінскі дысідэнт Аляксандр Марчанка.
Ад Беларусі лаўрэатамі прэміі былі Беларуская асацыяцыя журналістаў (2004), Аляксандр Мілінкевіч (2006), беларуская апазіцыя (2020). У мінулым годзе лаўрэатамі прэміі сталі лідары венесуэльскай апазіцыі Марыя Карына Мачада, што сёлета ўзнагароджаная нобелеўскай прэміяй міру, і Эдмунда Гарсія Гансалес.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы20
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары