Больш за палову дэпутатаў мясцовых саветаў абраныя паўторна, паведаміў сакратар Цэнтрвыбаркама Мікалай Лазавік.
Паводле яго слоў, усяго было абрана 21.288 дэпутатаў, з іх 11.186 з’яўляюцца дэпутатамі мінулага склікання, 9.695 — жанчыны, 1.097 — грамадзяне ва ўзросце да 30 гадоў, 301 — прадстаўнікі палітычных партый.
Найбольшае партыйнае прадстаўніцтва ў мясцовых саветах будзе мець Камуністычная партыя Беларусі — 262 дэпутаты. Дэпутатамі абраныя 28 прадстаўнікоў Беларускай аграрнай партыі, шэсць — Рэспубліканскай партыі працы і справядлівасці, два — Беларускай сацыяльна‑спартыўнай партыі, па адным — Ліберальна‑дэмакратычнай парты і Беларускай партыі левых «Справядлівы свет».
2.832 дэпутаты мясцовых саветаў працуюць у сферы прамысловасці, гандлю, транспарту, 5.668 — у сельскай гаспадарцы, 3.594 — адукацыі,
1.993 — ахове здароўя і сферы сацыяльнай абароны. 804 дэпутаты з’яўляюцца ваеннымі або супрацоўнікамі праваахоўных органаў, 2.732 — дзяржаўнымі служачымі, 399 — беспрацоўнымі.
Лазавік падкрэсліў, што гэтыя звесткі, у тым ліку адносна партыйнага прадстаўніцтва, не канчатковыя і будуць карэктавацца.
Сакратар Цэнтрвыбаркама зазначыў, што рэзкіх ваганняў у сацыяльным і палітычным складзе мясцовых саветаў не адбылося. «Насельніцтва аказвала давер тым людзям, якіх яны добра ведаюць», — сказаў ён.
Лазавік паведаміў, што «найбольш вострыя баталіі» былі «на ўзроўні сельскіх саветаў». «Нават у акругах, дзе балатаваўся адзін кандыдат і выбары адбыліся, выбаршчыкі маглі галасаваць супраць яго абрання. Такіх акругаў больш як дзесяць», — сказаў ён.
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары