Атакаваць плаціну вадасховішча ўкраінскія вайскоўцы пачалі ў пятніцу.
Камандуючы сіламі беспілотных сістэм Украіны Роберт «Мадзьяр» Броўдзі пацвердзіў, што ўкраінцы нанеслі ўдар па плаціне Белгародскага вадасховішча.
Узровень вады там упаў на 100 см.
25 кастрычніка губернатар Белгародскай вобласці Вячаслаў Гладкоў казаў, што плаціна пашкоджана ў выніку ўдару УСУ.
У выпадку разбурэння плаціны, па словах Гладкова, будзе пагроза падтаплення поймы ракі з боку Харкаўскай вобласці і некалькіх вуліц населеных пунктаў Белгарадскай вобласці, на якіх пражывае каля тысячы жыхароў. Расійскія мясцовыя ўлады пачалі прапаноўваць выезд у пункты часовага размяшчэння часткі жыхароў горада Шабекіна і пасёлка Бязлюдаўка.
Атакаваць плаціну вадасховішча ўкраінскія вайскоўцы пачалі ў пятніцу. Выкарыстоўваліся амерыканскія ракеты GMLRS.
На раніцу нядзелі вада ў вадасховішчы адступіла ад берага больш, чым на метр, пісалі мясцовыя паблікі. У сяле Графоўка Шабекінскай акругі вада затапіла бліндажы, у якіх знаходзіліся вайскоўцы.
У нядзелю дамбу зноў абстрэльвалі — з сістэм HIMARS, пісаў канал «Пепел Белгород».
-
Дакументальна пацверджаная гібель на расійскім баку 730 грамадзян Беларусі
-
Працягваюцца абмежаванні ў працы Starshield на фронце. Зяленскі даручыў узмацніць кантакт з ЗША
-
У рамках «новай архітэктуры бяспекі» Масква прапануе вывесці ядзерную зброю і «Арэшнік» з Беларусі — інфармацыя пра перамовы ў Абу-Дабі
Каментары
У нядзелю дамбу зноў абстрэльвалі — з сістэм HIMARS.
У сяле Графоўка Шабекінскай акругі вада затапіла бліндажы, у якіх знаходзіліся расейскія вайскоўцы."
Ну вось і добра, ёсць чым страляць. А то ўсё насіліся з гэтымі тамагаўкамі, якія не надта прыдатныя для абстрэлаў лясістай мясцовасці. І якія запускаюцца ў асноўным з мора і патрабуюць занадта высокага ўзроўню папярэдняй выведкі.