Жыхарка Жлобіна прадавала пуцёўкі знаёмым, а грошы траціла на сябе, паведамляе Гомельская міліцыя.
У міліцыю звярнуліся пяць чалавек, якія аплацілі турыстычныя паездкі, але засталіся ні з чым.
Як устаноўлена, 32‑гадовая жанчына афармляла знаёмым пуцёўкі за мяжу. Яны плацілі наяўнымі альбо пералічвалі грошы на яе асабісты карт-рахунак. Жанчына абяцанае не выканала і пачала пазбягаць кантактаў з кліентамі.
Усяго жыхарка Жлобіна прысвоіла больш за 50 тысяч рублёў. Частку грошай яна патраціла на асабістыя патрэбы, а астатнімі пагасіла папярэднія заяўкі кліентаў.
Заведзенга крымінальная справа за махлярства ў асабліва буйным памеры. Затрыманай пагражае да 12 гадоў пазбаўлення волі.
Каментары