Прэзідэнт Венесуэлы Нікалас Мадура аб’явіў аб прыняцці комплекснага плана абароны на выпадак амерыканскага ўварвання. Кіраўнік дзяржавы заявіў пра гэта на пазачарговым з’ездзе кіроўнай Адзінай сацыялістычнай партыі Венесуэлы.
«ЗША вераць і перакананыя ў тым, што прыйшоў новы каланіяльны час, час вяршэнства белай расы, і народы Поўдня павінны схіляцца перад кіроўнай Паўночнай Амерыкай. Імперыялізм імкнецца аднавіць страчаную вайсковую, эканамічную, культурную гегемонію», — сказаў Мадура.
Ён дадаў, што ніхто не адаб’е ў краіны права на незалежнасць і жыццё. «Увесь свет глядзіць на Венесуэлу як на прыклад паспяховай барацьбы за мір, захаванне сваёй годнасці, каштоўнасцей і прынцыпаў», — сказаў ён, заклікаючы народ да супраціўлення імперскай псіхалагічнай вайне.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку4747
Каментары