Карлас Алос: Калі б я слухаў усе парады, прыйшлося б выклікаць у зборную 250 футбалістаў
Галоўны трэнер зборнай Беларусі па футболе Карлас Алос адказаў на пытанні журналістаў перад заключнымі матчамі адбору чэмпіянату свету — 2026 супраць Даніі і Грэцыі, піша football.by.
Адказваючы на пытанні, ці задаволены ён выкліканым спісам футбалістаў, іспанскі спецыяліст адказаў: «Ніколі нельга быць цалкам задаволеным канчатковым спісам. Гэта як у жыцці, заўсёды ёсць нейкія складанасці і нюансы. Вы ведаеце, што траўму атрымаў Аляксандр Мартыновіч, які нам не дапаможа ў найбліжэйшых гульнях. Я не апраўдваюся, магу сказаць, што задаволены футбалістамі, якія прыбылі. Зразумела, што трох-чатырох футбалістаў мы страцілі з-за траўмаў».
«Выклік кожнага футбаліста — рашэнне нашага трэнерскага штаба, сур’ёзны аналіз. Калі б я слухаў усе парады, давялося б выклікаць 250 футбалістаў у зборную», — дадаў ён
Па яго словах, першая гульня супраць Грэцыі, што скончылася паразай 1:5, была найгоршым матчам у выкананні каманды.
«Мы настроены сур’ёзна, хочам згуляць лепш. Задаволены, што ў нас ёсць шанцы згуляць яшчэ раз з гэтымі камандамі. Гэта вельмі моцныя супернікі, можа падацца, што ў нас мала шанцаў, але мы павінны пастарацца рэабілітавацца за тыя паражэнні і ўзяць ачкі. Рыхтуемся і чакаем найбліжэйшыя матчы», — сказаў Карлас Алос.
Зборная Беларусі ў гэтым адборы прайграла ўсе чатыры матчы: Грэцыі (1:5), Даніі (0:6) і двойчы Шатландыі (0:2, 1:2) і страціла нават тэарэтычныя шанцы на другое месца, што дае допуск у плэй-оф.
Зборнай засталося правесці дзве гульні: у суботу ў гасцях з Даніяй і ў аўторак на нейтральным полі ў Венгрыі з Грэцыяй. Але гэтыя матчы нічога не рашаюць.
Цяпер чытаюць
У беларускі ў Італіі забралі двух сыноў — бо яна не прызнавала дзяржаву і не адпускала дзяцей у школу і да доктара9
Каментары