Колькі каштуе ўдар у нос? У Гомелі судзяць футбалістаў за масавую бойку на стадыёне
На лаве падсудных апынуўся трэнер спартыўнай школы, які падчас матчу гарадскога чэмпіянату нанёс траўмы іншаму гульцу.
Матч гарадскога чэмпіянату паміж гомельскімі камандамі, які адбыўся ў ліпені, скончыўся бойкай, піша «Гомельская праўда».
У канцы першага тайма адбылося сутыкненне гульцоў, потым — абразы. Вынік — масавая сутычка.
«Я зараз вас усіх ламаць пачну», — менавіта з гэтай фразы, сказанай абвінавачаным гульцом каманды, па словах пацярпелага, і пачалася заваруха. «Толькі паспрабуй», — быў адказ. «Зараз я і цябе зламаю», — паставіў кропку зачыншчык.
А далей — сінякі ў некалькіх пацярпелых, страсенне мозгу ў абвінавачанага, а таксама пералом носа, 18 дзён шпіталізацыі і вымушанае выкарыстанне спецыяльнай маскі падчас гульняў у пацярпелага.
Цікава, што пацярпелым аказаўся гулец, які нават не ўдзельнічаў у сварцы, а прыбег у гушчу падзей, каб дапамагчы свайму таварышу выбрацца з захопу праціўніка.
Абвінавачаны — трэнер спартыўнай школы, а на момант таго, што здарылася, — гулец адной з каманд.
Ахвяра патрабуе спагнаць з крыўдзіцеля 46 тысяч беларускіх рублёў. Яны пакрыюць лячэнне ў клініцы і стануць маральнай кампенсацыяй. Адказчык лічыць суму неадэкватнай.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна3
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары