Сёлетнім лаўрэатам прэміі Ежы Гедройця стаў Сяргей Дубавец з кнігай «Занзібар: сталенне маладой душы».
Рашэннем журы Сяргей Дубавец узнагароджаны за філасофскую рэфлексію над пошукамі нацыянальнай ідэнтычнасці свайго пакалення. Пераможца атрымаў галоўную ўзнагароду пры падтрымцы Фонду міжнароднай салідарнасці.
Сяргей Дубавец вядомы не толькі як пісьменнік, але і як журналіст. Менавіта ён быў з 1991 па 2000 год першым галоўным рэдактарам адроджанай «Нашай Нівы».
На твор-пераможцу ў «Нашай Ніве» друкавалася рэцэнзія.
Другое месца — у Югасі Каляды, аўтаркі кнігі «Перамена месцаў».
Аўтарка ўзнагароджаная за фантасмагарычнае адлюстраванне зрухаў у беларускім грамадстве творчай стыпендыяй і месяцам працы на шведскім востраве Готланд. Прыз забяспечыў суарганізатар прэміі — Міжнародны саюз беларускіх пісьменнікаў.
Рэцэнзія на яе твор таксама друкавалася ў «Нашай Ніве».
Югася Каляда таксама атрымала спецыяльны прыз прэміі Гедройця ад партнёра прэміі Audiobooks.by.
Трэцяе месца — у Змітра Дзядзенкі, аўтара кнігі «Гульні Цырцэі».
Журы адзначыла кнігу за асэнсаванне гістарычнай повязі часоў у вострасюжэтнай форме. Прыз — выданне наступнай кнігі пры падтрымцы Міжнароднага саюза беларускіх пісьменнікаў.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары