Перавозчыкі папярэдзілі, што некаторыя рэйсы ў Польшчу мяняюць маршруты і заязджаць у Брэст не будуць
З 17 лістапада на беларуска-польскай мяжы адкрыўся пункт пропуску «Бераставіца» — «Баброўнікі» для аўтобусаў. У выніку многія перавозчыкі пачалі накіроўваць свае рэйсы ў Польшчу праз гэты пераход, таму частка аўтобусаў больш не будзе заязджаць у Брэст, піша Office Life.
Як паведамілі прадстаўнікі сэрвісу Infobus.by, у расклад партнёрскіх перавозчыкаў — «Флайбус», «ЗЭТ» і DND Group Polska — ужо ўнесеныя рэйсы праз «Бераставіцу».
«Флайбус» запусціў штодзённыя рэйсы Гродна — Беласток — Варшава ў 00:20, 08:10 і 13:00. У зваротным кірунку аўтобусы ідуць у 08:00, 14:50 і 20:30.
«ЗЭТ» будзе выконваць рэйсы Гродна — Беласток у 16:30 па нядзелях, панядзелках, серадах і чацвяргах. Зваротны рэйс — у 06:20 па аўторках, серадах, пятніцах і суботах.
DND Group Polska з 22 лістапада запускае рэйс Мінск — Беласток — Варшава ў 16:30 праз дзень. З 21 лістапада ў раскладзе ёсць і Варшава — Беласток — Мінск у 20:00, таксама праз дзень. Аўтобусы заязджаюць у Ліду і Гродна.
Раней гэтыя рэйсы праходзілі праз пункт пропуску «Брэст» — «Тэрэспаль», але цяпер маршрут змяніўся. Падарожнікі, якія купілі квіткі з або ў Брэст на гэтыя рэйсы, могуць атрымаць поўнае вяртанне грошай па месцы пакупкі.
Таксама паведамлялася, што пасля адкрыцця двух пунктаў пропуску на мяжы цэны на аўтобусныя квіткі ў Польшчу пачалі зніжацца.
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары