Кембрыджскі слоўнік выбраў слова года. Здавалася б, пры чым тут Тэйлар Свіфт?
Словам 2025 года паводле версіі Кембрыджскага слоўніка англійскай мовы стала слова «Parasocial» («Парасацыяльны»).
Парасацыяльны — тэрмін, які азначае аднабаковую псіхалагічную прыхільнасць чалавека да знакамітасці, персанажа кнігі (фільма, серыяла і так далей) або штучнага інтэлекту (чат-бота).
Тэрмін «парасацыяльны» з’явіўся ў 1956 годзе, яго ўвялі антраполаг Дональд Хортан і сацыёлаг Рычард Вол. Гэтым словам яны апісвалі прыхільнасць тэлегледачоў, якую тыя адчувалі да ўдзельнікаў тэлепраграм — напрыклад, вядучых ток-шоу. Гэтае з’ява існуе і сёння, бо карыстальнікі сацсетак фарміруюць парасацыяльныя адносіны са знакамітасцямі і ўплывовымі людзьмі, з якімі ў іх няма ніякіх асабістых адносін, адзначаецца ў слоўніку.
Адзін з прыкладаў, які прыводзіць Кембрыджскі слоўнік, — спявачка Тэйлар Свіфт, якая ў гэтым годзе абвясціла пра свае заручыны з гульцом Нацыянальнай футбольнай лігі Трэвісам Келсі. Многія прыхільнікі спявачкі гаварылі і пісалі пра свае пачуцці да пары, хоць амаль ніхто з іх не мае асабістых адносін са спявачкай.
«Тэйлар Свіфт, напэўна, самы яскравы прыклад. Яна старанна выбудоўвае сваю прысутнасць у сацыяльных сетках, каб заахвочваць і ўмацоўваць у сваіх прыхільнікаў адчуванне асабістых адносін з ёй. Нядаўняе абвяшчэнне праз інстаграм пра яе заручыны з зоркай амерыканскага футбола Трэвісам Келсі прывяло прыхільнікаў па ўсім свеце ў захапленне, як быццам яна была іх блізкай сяброўкай», — гаворыцца на сайце слоўніка.
У 2025 годзе выкарыстанне тэрміна «парасацыяльны» рэзка ўзрасло, перш за ўсё, з-за боязі таго, што людзі пачалі ўсталёўваць падобныя адносіны са штучным інтэлектам, у прыватнасці, чатам джыпіці.
«Тое, што калісьці было спецыяльным акадэмічным тэрмінам, стала мейнстрымам. Мільёны людзей уцягнутыя ў парасацыяльныя адносіны; многія іншыя проста заінтрыгаваныя іх ростам», — адзначыў лексікограф Колін Макінтош.
Занадта паспяховая для правалу. Як імперыя Тэйлар Свіфт зрабіла яе настолькі маштабнай фігурай, каб яна змагла пацярпець паразу
Фанаты Тэйлар Свіфт наваднілі музей у Германіі, каб пабачыць карціну, да якой спявачка зрабіла адсылку ў сваім новым кліпе
Тэйлар Свіфт заручылася з зоркай амерыканскага футбола
Слоўнік англійскай мовы Collins назваў слова года
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся10
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары
Хаця, вядома, што беларусам важней ведаць пра амерыканскую зорку чым чытаць пра тое, аб чым дыскутуецца ў Еўропе.
А хто такая супермегазорка Тэйлар Свіфт?