У Гродне ўпаў дрон, які раскідаў бел-чырвона-белыя сцяжкі. У гэтым абвінавачваюць Літву
Міністэрства замежных спраў Беларусі абвінаваціла Літву ў парушэнні паветранай прасторы беспілотнікам.
Як паведамляе МЗС, 30 лістапада лятальны апарат самалётнага тыпу перасек мяжу з боку Лаздзійскага раёна Літвы і ўпаў на тэрыторыі Гродна.
Як сцвярджаюць у ведамстве, аналіз абломкаў паказаў пракладзены маршрут: дрон павінен быў праляцець над Беларуссю, далей выйсці ў Польшчу, а пасля вярнуцца ў месца запуску ў Літве.
Размах крылаў беспілотніка — 1,5 метра, даўжыня дрона — 91 см. Унутры, заявілі ў сюжэце БТ, навігацыйнае абсталяванне, відэакамера, дзве карты памяці на 32 гігабайты.
«На лопасцях маюцца адзнакі Aeronaut Camz Carbon і адрас нямецкага сайта-вытворцы aeronaut.de», — заявілі на БТ.
Міліцыя наракае, што дрон раскідваў маленькія папяровыя бел-чырвона-белыя сцяжкі.
«Мінск расцэньвае інцыдэнт як наўмысную правакацыю. Беларускі бок патрабуе ад Літвы: даць падрабязную інфармацыю пра інцыдэнт, правесці расследаванне і прыцягнуць вінаватых да адказнасці, прыняць меры для недапушчэння паўтарэння падобных выпадкаў. Беларусь пакідае за сабой права на неабходныя меры для абароны суверэнітэту», — гаворыцца ў паведамленні МЗС.
У МЗС выклікалі часовага паверанага ў справах Літвы Эрыкаса Вілканецаса і выказалі яму афіцыйны пратэст.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1515
Каментары