Допіс п’янага віцебчука, які расказаў, што ідзе дадому, набраў 650 тысяч праглядаў — сачыў увесь рускамоўны трэдс
«Добры дзень. Мяне завуць Ігар, і я бухі іду дадому», — напісаў віцебчук і прачнуўся знакамітым.
Допіс віцебчука, які п'яным аднекуль пайшоў дадому, стаў сенсацыяй рускамоўнага трэдса. За лёсам Ігара сачылі тысячы чалавек. Яму спачувалі, за яго перажывалі, яго асуджалі і падтрымлівалі, і ўсё гэта з велізарным гумарам.
«Добрага табе шляху, Ігар!» — напісаў акаўнт авіяквіткоў aviasales.by.
«Ігар, які адрас?» — пыталі ў яго, каб прынесці лекі ад галавы.
«Ты дайшоў, Ігар? Усё нармальна?» — турбаваліся за яго.
«Калі ласка, трымайце ў курсе», — прасілі яго.
Хваляваліся нават у Казахстане.
«Ігар, ваша ветка ўсё яшчэ мне трапляецца, а я перажываю, ці дайшлі вы дахаты».
«Хлопцы, наша дастаўка прыйдзе хутчэй, чым Ігар бухі дойдзе дадому», — карысталіся прадпрымальнікі становішчам Ігара.
Таксама людзі захапляліся нечаканым поспехам хлопца.
Пазней Ігар напісаў, што дадому ён дайшоў.
Дадаў, што ён шакаваны агульнай увагай, але пачуваецца добра, і падзякаваў усім, хто за яго хваляваўся.
Пазней ён паведаміў, што чытае ўсе каментары, дзякуе «за пазітыў», і сабраў гэтым допісам яшчэ 11 тысяч лайкаў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары