Штанге: Нацыянальная зборная ў таварыскіх матчах спадзяецца дасягнуць добрага выніку
Падчас таварыскіх матчаў перад нацыянальнай зборнай Беларусі па футболе стаяць дзве мэты: дасягнуць добрага выніку і паглядзець, наколькі адпавядае высокаму ўзроўню гульня маладых футбалістаў.
Пра гэта заявіў галоўны трэнер нацыянальнай зборнай Беларусі па футболе Бернд Штанге 21 мая на прэс‑канферэнцыі ў Мінску.
27 і 30 мая Беларусь згуляе ў Аўстрыі супраць Гандураса і Паўднёвай Карэі, 2 чэрвеня ў Мінску — супраць Швецыі.
«Мы з цікавасцю чакаем, як Беларусь згуляе з двума ўдзельнікамі чэмпіянату свету — 2010 і імянітай камандай Швецыі», — сказаў Штанге.
Ён паведаміў, што для ўдзелу ў гульнях запрошаны 21 гулец. Па аб’ектыўных прычынах не змогуць згуляць Цімафей Калачоў, Аляксандр і Вячаслаў Глеб, Віталь Кутузаў, Леанід Ковель.
Штанге адзначыў, што ў камандзе навічкоў няма. »У верасні пачынаецца новая кваліфікацыя да чэмпіянату Еўропы — 2012, да якой мы падыходзім са стабільнай камандай. У яе ёсць твар. Але адзін‑два кампаненты да гульні неабходна дадаць. У прыватнасці, мы будзем адпрацоўваць навыкі хуткай контратакі, а таксама хочам якасна палепшыць апошні пас», — сказаў ён.
Летам Беларусь правядзе яшчэ адзін двухдзённы збор. У яго рамках на 11 жніўня запланаваны выязны таварыскі матч са зборнай Літвы.
3 верасня беларуская футбольная зборная ў рамках адборачнага турніру чэмпіянату Еўропы — 2012 згуляе на выездзе са зборнай Францыі.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары