Святлана Ціханоўская сустрэлася ў Варшаве з беларускімі добраахвотнікамі і валанцёрамі
Сёння Святлана Ціханоўская разам з прадстаўніком абароны і нацыянальнай бяспекі Аб'яднанага пераходнага кабінета Вадзімам Кабанчуком правяла сустрэчу з беларускімі добраахвотнікамі і валанцёрамі, якія ваявалі на баку Украіны, паведамляе яе прэс-служба.
Падчас сустрэчы Святлана Ціханоўская падзякавала беларускім добраахвотнікам за іх мужнасць і прынцыповую пазіцыю ў барацьбе супраць расійскай агрэсіі: «Беларускія добраахвотнікі зрабілі і працягваюць рабіць велізарны ўнёсак у барацьбу супраць расійскай агрэсіі. Дзякуючы вам свет бачыць: беларусы — не саўдзельнікі гэтай вайны, а народ, які змагаецца за бяспеку ўсяго рэгіёну».
Удзельнікі абмеркавалі стратэгічнае супрацоўніцтва з Украінай і візіт беларускай лідаркі ва Украіну, які адбудзецца найбліжэйшыя месяцы.
Асобная ўвага была нададзеная пытанням легалізацыі беларускіх добраахвотнікаў ва Украіне.
Таксама абмеркавалі ўмовы для беларускіх ветэранаў, а менавіта неабходнасць перагляду нормаў, якія фактычна прыраўноўваюць беларускіх добраахвотнікаў да грамадзян краіны-агрэсара; забеспячэнне выплат сем’ям загінулых; павелічэнне тэрмінаў легальнага знаходжання пасля заканчэння кантракта, спрашчэнне легалізацыі ва Украіне, стварэнне механізмаў рэсацыялізацыі пасля службы.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку22
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары