Па словах крыніцы тэлеканала CNN, новы вярхоўны лідар Ірана Маджтаба Хаменеі атрымаў траўмы ў самы першы дзень бамбардзіровак, якія ЗША і Ізраіль пачалі супраць Ірана.
Паведамляецца, што ў 56‑гадовага Маджтабы Хаменеі пералом ступні, а таксама сіняк каля левага вока і невялікія парэзы на твары. Раней ізраільская крыніца сцвярджала, што ён быў паранены падчас замаху на яго жыццё.
Пасол Ірана на Кіпры Алірэза Саларыян заявіў, што Хаменеі атрымаў раненні падчас таго ж авіяўдару, у выніку якога загінуў ягоны бацька — 86‑гадовы былы вярхоўны лідар аятала Алі Хаменеі — разам яшчэ з пяццю членамі сям’і.
З моманту абвяшчэння 9 сакавіка пра яго абранне вярхоўным лідарам Маджтаба Хаменеі не з’яўляўся публічна. Паводле дыпламата, гэта можа тлумачыцца яго траўмамі. Пры гэтым сын прэзідэнта Ірана Масуда Пезешкіяна заявіў, што новы кіраўнік краіны знаходзіцца ў бяспецы і сур’ёзных прычын для клопату адносна яго стану няма.
Іранскія дзяржаўныя СМІ пакуль выкарыстоўваюць архіўныя відэа з удзелам Маджтабы Хаменеі, а таксама выявы, створаныя з дапамогай штучнага інтэлекту.
Да прызначэння на найвышэйшую пасаду Маджтаба Хаменеі вёў даволі закрыты лад жыцця, але лічыўся ўплывовай фігурай у сетцы ўлады, створанай яго бацькам. Ён мае цесныя сувязі з Корпусам вартавых ісламскай рэвалюцыі і прадстаўнікамі іранскай эканамічнай эліты. Назіральнікі мяркуюць, што яго палітычныя погляды могуць быць нават больш радыкальнымі, чым у бацькі.
У 2019 годзе амерыканскі Мінфін увёў супраць Маджтабы Хаменеі санкцыі, абвінаваціўшы яго ў супрацоўніцтве з іранскімі сілавымі структурамі. Прэзідэнт ЗША Дональд Трамп цяпер таксама назваў яго прызначэнне «непрымальным».
Што вядома пра Маджтабу Хаменеі, якога абралі вярхоўным лідарам Ірана?
Патрыярх Кірыл назваў новага вярхоўнага лідара Ірана «дарагім братам»
Камандуючы элітнага іранскага спецназа працаваў на Ізраіль? Кажуць, ён саскочыў з сустрэчы ў Хаменеі за паўгадзіны да ўдару
Лукашэнка павіншаваў Маджтабу Хаменеі з абраннем Вярхоўным лідарам Ірана
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары