Пасля таго як сталі забіваць іранскіх кіраўнікоў, Пуцін амаль не з'яўляецца ў Крамлі
У апошні час працоўным графіку Уладзіміра Пуціна рэдка здараюцца публічныя выступленні ў Крамлёўскім палацы, заўважыла выданне «Агентство».
Апошняя афіцыйная падзея ў Крамлі ў удзелам Пуціна адбылася 9 сакавіка — на ёй абмяркоўвалі сітуацыю на сусветным рынку нафты і газу. Пасля гэтага ў пуцінскім графіку зафіксаваныя толькі сустрэчы з губернатарамі, міністрам адукацыі і кіраўніком Сбербанка, а таксама анлайн-пасяджэнне Рады бяспекі. Многія з гэтых мерапрыемстваў маглі быць запісаныя загадзя або праходзіць па відэасувязі з іншых рэзідэнцый, таму цяжка сказаць, што Пуцін сапраўды знаходзіўся ў Крамлі.
СМІ адзначаюць, што такая працяглая адсутнасць на публічных мерапрыемствах — адна з найдаўжэйшых сёлета. Мінулы раз падобны перапынак быў з 6 па 18 лютага, а ў студзені пасля святаў графік Пуціна не перарываўся больш чым на 6 дзён.
Прычыны адсутнасці расійскага кіраўніка ў Крамлі абмяркоўваюцца ў кантэксце чутак, звязаных з Іранам. 28 лютага быў забіты вярхоўны лідар аятала Алі Хаменеі, і некаторыя сцвярджаюць, што за ім сачылі амерыканскія і ізраільскія спецслужбы праз вулічныя камеры. Таму інтэрнэт у цэнтры Масквы нібыта мог быць часткова адключаны і з меркаванняў бяспекі.
Паведамляецца, што Хаменеі загінуў у выніку авіяўдару па сваёй рэзідэнцыі ў Тэгеране, за якім стаяла доўгатэрміновае сачэнне праз камеры горада. Акрамя таго, 17 сакавіка быў забіты яшчэ адзін высокапастаўлены іранскі чыноўнік — Алі Ларыджані, які меў вялікае значэнне ў адносінах паміж Масквой і Тэгеранам.
«Адсячэш адну галаву — вырастаюць новыя». Як кіраўніцтва Ірана пабудавала сістэму, якая дазваляе ўтрымліваць уладу
Каб забіць Хаменеі, ізраільская разведка ўзламала дарожныя камеры ў Тэгеране і адключыла вышкі мабільнай сувязі
Пуцін назваў забойства Хаменеі цынічным парушэннем усіх нормаў маралі і права. Лукашэнка маўчыць
Стала вядомая асоба рабочага «Беларуськалія», які загінуў пры абрушэнні горнай пароды1
Каментары