Трое палітычных зняволеных з 15 дэпартаваных на тэрыторыю Літвы прыбылі ў Варшаву для далейшай легалізацыі на тэрыторыі Польшчы, паведаміў Аб'яднаны пераходны кабінет.
Спрыянне гэтаму рашэнню польскага боку ажыццяўляў намеснік кіраўніцы АПК Павел Латушка, з літоўскім бокам узгадненне праводзілі прадстаўніца па сацыяльнай палітыцы Вольга Зазулінская і дыпламатычны саветнік Офіса Святланы Ціханоўскай Дзяніс Кучынскі.
«Я ўдзячны Міністэрству замежных спраў, Міністэрству ўнутраных спраў, галоўнаму каменданту Пагранічнай службы Польшчы за сённяшнюю прадметную аператыўную камунікацыю і эфектыўныя рабочыя кантакты, што прывяло да прыняцця ў парадку выключэння станоўчага адміністрацыйнага рашэння аб магчымасці ўезду на тэрыторыю Польшчы з тэрыторыі Літвы трох вызваленых палітвязняў. Яны не мелі дакументаў, паколькі былі дэпартаваныя ў Літву без пасведчанняў асобы. Таксама выказваю ўдзячнасць за дапамогу літоўскаму «Фрыдам Хаўс» і Цэнтру беларускай салідарнасці. Наступным крокам, мы будзем аказваць дапамогу вызваленым беларусам у падачы дакументаў на міжнародную абарону на тэрыторыі Польшчы», — адзначыў Павел Латушка.
Прозвішчы палітзняволеных не называюцца.
Цяпер чытаюць
Арыштаваны міністр прыродных рэсурсаў выбраў «стратэгію Брыло»1
Арыштаваны міністр прыродных рэсурсаў выбраў «стратэгію Брыло»
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»2020
Каментары