На поўдні Бразіліі 3 красавіка адбылася авіякатастрофа: невялікі самалёт рэзнуўся ў будынак кавярні, у выніку чаго загінулі людзі, паведаміў навінавы партал G1.
Інцыдэнт здарыўся ў горадзе Капаан-да-Каноа на поўдні краіны, у штаце Рыу-Грандзі-ду-Сул. Усё адбывалася на турыстычнай вуліцы, якая знаходзіцца побач з мясцовым аэрадромам.
Лёгкаматорны самалёт Piper JetPROP DLX пры ўзлёце зачапіў слуп, праляцеў некалькі метраў і рухнуў проста на будынак кавярні, у якой, на шчасце, людзей тады не было.
На борце самалёта знаходзіліся пілот, сямейная пара і яшчэ адзін мужчына — усе яны загінулі. Пасля катастрофы полымя хутка перакінулася на суседнія пабудовы. Мясцовыя ратавальнікі змагаліся з агнём некалькі гадзін.
Абставіны і прычыны аварыі высвятляюцца.
Недалёка ад Армузскага праліва разбіўся яшчэ адзін амерыканскі самалёт
ЗША здолелі ўратаваць свайго пілота са збітага самалёта ў Іране. Але быў яшчэ і другі
У Іране ўпаў амерыканскі самалёт. Пілота шукаюць як іранцы, так і амерыканцы
У канцы красавіка выходзіць фільм пра лётчыкаў Нічыпорчыка і Куканенку, што разбіліся ў Баранавічах
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі5
Каментары