7 красавіка ў службу выратавання паступіла паведамленне пра ўзгаранне штабеля дроў у гарадскім пасёлку Ружаны Пружанскага раёна, паведамляе прэс-служба МНС.
Скрыншот з відэа
Калі падраздзяленні МНС прыбылі на месца, гарэлі дровы на тэрыторыі кацельні і існавала пагроза распаўсюджвання агню на найбліжэйшыя будынкі, у тым ліку на касцёл, які знаходзіцца зусім побач.
Ратавальнікі хутка спынілі распаўсюджванне агню і патушылі пажар.
Пацярпелых няма. Прычына здарэння высвятляецца.
Каментары