Эстонія абвінаваціла расійскія спецслужбы ў падпале будынка Milrem Robotics у Таліне
УСУ выкарыстоўваюць яе гусенічныя платформы THeMIS.
Пажар у будынку абароннай кампаніі Milrem Robotics быў наўмысным падпалам, арганізаваным па замове расійскіх спецслужбаў. Пра гэта паведаміў кіраўнік МЗС Эстоніі Маргус Цахкна, піша «Новая газета Еўропа».
Паводле слоў кіраўніка МЗС, эстонскія ўлады разглядаюць тое, што адбылося, як частку больш шырокай кампаніі Расіі ў Еўропе, мэта якой — запалохаць еўрапейскія краіны і аслабіць іх падтрымку Украіны.
29 верасня МЗС Эстоніі выклікала часовага паверанага ў справах Расіі Ленара Салімуліна. Крэмль адхіліў абвінавачанні, назваўшы іх «галаслоўнымі».
Узгаранне адбылося ў ноч на 15 жніўня на вуліцы Бетані ў Таліне. Агонь хутка патушылі, пацярпелых не было. Па справе затрымалі трох грамадзян Латвіі.
Кампанія Milrem Robotics вырабляе беспілотную наземную вайсковую тэхніку. УСУ выкарыстоўваюць яе гусенічныя платформы THeMIS.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў8
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх21
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары