У цэнтры Гомеля знеслі даўгабуд, які за 13 гадоў так нічым і не стаў
У Гомелі знеслі адзін з самых вядомых даўгабудаў горада — жалезабетонны каркас на скрыжаванні вуліц Кірава і Хатаевіча, паведамляе Камітэт дзяржаўнага кантролю. На гэтым месцы першапачаткова планавалі пабудаваць 12‑павярховы шматфункцыянальны бізнэс-цэнтр з двухузроўневай паркоўкай.
Будаўніцтва пачалося ў 2013 годзе. Першым забудоўшчыкам стала мінскае ТАА «Карповіч», якое рэалізавала ў Гомелі некалькі жылых праектаў. Комплекс планавалі ўзвесці за чатыры гады, аднак тэрміны неаднаразова пераносіліся, а будынак так і не дабудавалі.
Пазней чатырохпавярховы жалезабетонны каркас перайшоў ва ўласнасць прадпрыемства «Мультыпак». Кампанія разглядала розныя варыянты выкарыстання будынка. Спачатку планавалася ператварыць яго ў дзевяціпавярховы офісны комплекс з установамі грамадскага харчавання, а пазней — у шматкватэрны жылы дом з убудаванымі памяшканнямі. Аднак ніводзін з праектаў таксама не быў рэалізаваны.
Сітуацыя змянілася пасля ўмяшання Камітэта дзяржаўнага кантролю. Як высветлілася, даўгабуд нават не быў унесены ў базу аб'ектаў звышнарматыўнага незавершанага будаўніцтва. У выніку было прынята рашэнне адабраць зямельны ўчастак і знесці недабудаваны будынак.
Цяпер знос завершаны, тэрыторыю рэкультывавалі і вярнулі ў склад земляў Гомеля. Участак плануюць выставіць на аўкцыён для рэалізацыі інвестыцыйнага праекта. Што менавіта збіраюцца там пабудаваць, пакуль не паведамляецца.
Знос даўгабуда ў цэнтры горада разглядаюць як крок да абнаўлення гарадской прасторы.
Са скандальнага забудоўшчыка Волаха хочуць спагнаць амаль 5 мільёнаў. Калі ўдасца да яго дацягнуцца
На месцы некалі планаванага ГЗЦ «Трайпла» будуюць тры шматпавярховікі
«Белую крэпасць» у двары ЖК «Аркадзія» знясуць. Гаспадар распавёў, чым скончылася яго барацьба
Частку парку каля гасцініцы «Беларусь» рыхтуюць да забудовы. Раней будаваць там забараняў Лукашэнка
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары