У Мінску пачалі праводзіць нечаканыя праверкі аплаты праезду на канцавых прыпынках грамадскага транспарту. На гэтым тыдні пасажыры заўважылі, што кіроўцы адчыняюць толькі пярэднія дзверы аўтобусаў і тралейбусаў і не выпускаюць людзей, пакуль не правераць у іх наяўнасць квіткоў, піша Blizko.by.
Адна з пасажырак у Threads здзівілася такой практыцы і спытала, на якой падставе кіроўцы выконваюць абавязкі кантралёраў і затрымліваюць пасажыраў у транспарце на канчатковых прыпынках.
У «Мінсктрансе» спачатку патлумачылі, што паводле правіл перавозак кіроўца мае права правяраць аплату праезду, пакідаючы для выхаду пасажыраў адны дзверы.
30 кастрычніка прадпрыемства ўдакладніла, што гэта не асабістая ініцыятыва асобных кіроўцаў або аўтобусных і тралейбусных паркаў, а адмысловая акцыя.
У «Мінсктрансе» сцвярджаюць, што пасажыры ў цэлым паставіліся да яе станоўча. Падчас праверак знайшлі некалькі безбілетнікаў. У некаторых выпадках нязвыклы парадак выклікаў спрэчкі, аднак продаж квіткоў, паводле прадпрыемства, у параўнанні з аналагічным днём папярэдняга тыдня павялічыўся.
У «Мінсктрансе» падзякавалі пасажырам, якія своечасова аплачваюць праезд, і заявілі, што такія акцыі будуць працягвацца.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары