Украіна і Беларусь у асобах першых віцэ-прэм'ераў Андрэя Клюева і Уладзіміра Сямашкі падпісалі ў панядзелак у Кіеве пагадненне аб транспартаванні нафты праз Украіну ў Беларусь.
Украіна і Беларусь у асобах першага віцэ-прэм'ера Андрэя Клюева і першага намесніка прэм'ера Уладзіміра Сямашкі падпісалі ў панядзелак у Кіеве пагадненне пра захады ў развіцці супрацы па транспартаванні нафты праз Украіну ў Беларусь. Пра гэта паведамілі крыніцы ва ўрадах краінаў.
Пагадненне паўстала на аснове дамоўленасцяў прэзідэнтаў Лукашэнкі і Януковіча.
Венесуэльская нафта будзе пастаўляцца танкерамі ў Адэсу, а адтуль — чыгункай да Мазыра. У 2010 годзе мае быць пастаўлена 4 млн т. У 2011-м — 10 мільёнаў. Ад 2011-га можа пачацца выкарыстанне нафтаправоду Адэса-Броды для пампавання гэтых аб'ёмаў.
Чарговая сустрэча віцэ-прэм'ераў запланаваная на верасень. На яе маюць быць падрыхтаваныя дадатковыя пагадненні.
Калі праект удасца ажыццявіць, упершыню будзе дасягнутая дыверсіфікацыя крыніцаў паставак энерганосьбітаў у Беларусь. Да апошняга часу Беларусь заставалася краінай, якая татальна залежыць ад паставак вуглевадародаў з Расіі.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары